home

I PROVERBI                   

Personaggi:

L'azione si svolge lungo il viale principale del paese nel giorno di Carnevale.

PASQUALE     Lu cumpare bello!

NICOLA         Uè, Pasquà, come jamo?

PASQUALE      Nun c'è male. Cumpà, it'asciuto priesto stammatina?

NICOLA         Chi s'auza a la matina s'abbusca nu carrino…

                   chi s'auza a lu juorno s'abbusca nu cuorno.

PASQUALE      Dici buono, cumpà! Chi se move mangia e chi sta fermo secca

                   e trippa vacanta nun se tene all'erta.

NICOLA        Pasquà, hai visto che tiempo?

PASQUALE     Febbraro curto, curto...o megghio o peggio de tutti.

NICOLA        Febbraro, curto e amaro.

PASQUALE     Cumpà, stu Carnuale come ve lu passati?

NICOLA        Come lu vuoi passà...La famiglia è ròssa

                  e quanno lu patre fa Carnuale li figghi fanno Quaresema.

PASQUALE      Ma basta 'na partitella a carte e 'na buttiglia de vino...

NICOLA         Le carte e le buttiglie songo le bandiere de la puvertà.

PASQUALE     Cumpà, vui ve lamentati sempe...Me pare ca guadagnati buono.

NICOLA        Li soldi veneno de passo e se ne vanno de galoppo.

PASQUALE     A chi lu dici, cumpà. Vuoi 'mparà a Cesare a fa la guerra.

                   Però a vui la robba nun ve manca: teniti la rascia dint'a la casa.

NICOLA        Lu poco abbasta e l'assai se chiombe.

PASQUALE     Cumpà, come se dice: Addò cade lu ciuccio se vennero le scarcioffole.

NICOLA        Vui teniti scarpe ciotte e cereviello fino.

PASQUALE      Lu vi! Sta arrivenno puro GIUANNI.

NICOLA         Tu sì piccolo e male cavato e quisso èa ruosso e fessa.

PASQUALE      Lu figghio de lu jatto acchiappa lu sorece.

GIUANNI        (avvicinandosi ai due) Uè, che faciti lò! Invece de j a faticà...

PASQUALE     Campa cavallo ca l'ereva cresce.

NICOLA        Giuà, te vedo nu poco nervuso...

GIUANNI       Li fatti de la pignata li sape la cucchiara.

PASQUALE     E lu figghio mupo la mamma lu capisce.

                  Stai preuccupato pe' figghieto? Di' la verità.

GIUANNI        Hai capito. Quillo nun vole fa nienti.

                   Io ce lu dico sempe:"'Mparete n'arte e mittela da parte",

                   ma nun ne vole sapé.

NICOLA        Pane e presutti fanno li figghi brutti.

                   Mazze e panelle fanno li figghi belli.

PASQUALE     Macché! Si nasci tunno nun muori quadro.

GIUANNI       Stammatina se aizato e se n'è juto a caccia.

NICOLA        Chi vole fa lu figghio puveriello: pescatore e 'ncapp'aucielli.

GIUANNI       Proprio accussì. E nun me pozzo manco lamentà.Come se dice:

                   Nu sputà 'ncielo ca 'nfacci te vene.

                  Io sulo a quisso tengo; l'ati cu cingo o sei figghi stanno cuntenti.

PASQUALE     Chi ne tene ciento l'alloca, chi ne tene uno l'affoca.

GIUANNI         Io ce lu ricordo sempe:

                  "Chi nun sente a mamma e patre arriva a dò nun vole.

                   Ognuno s'adda dà da fa', ca lu ciuccio,

                    pe' nu scutelà la coda, se fa mangià lu culo da le mosche.

                  Quisso nun fa bona fine.

NICOLA        Nun esagerà, Giuà! Tu chiami a San Paolo prima de vedè la serpa.

GIUANNI       E va buono...Tu me vuò sfrecà. Te cunoscio piro a la vigna mia.

NICOLA         Giuà, tu pigghi acci pe' fenucchi.

GIUANNI        (lanciandosi addosso a NICOLA) E tu una ne fai e ciento ne pienzi.

PASQUALE      (dividendo i due) Me...lassamo sta.

NICOLA         (vedendo arrivare CARMELINA) Uè, Carmelì, addò vai?

CARMELINA  Addò vogghio j...Vavo a faticà a la frabbeca.

GIUANNI        Fermete nu poco. Ea priesto.

NICOLA         (a CARMELINA che è uscita di scena) Hai voglia a fiscà...

                  tanto lu ciuccio nun sente sete.

CARMELINA  (rientrando) Ciuccia a me. Ce ne stati tre...

                  e lu megghio tene la rugna!

PASQUALE   Carmelì, che dè? Maritito nun t'ha scritto?!

                   Chi male s'ammarita nun esce mai de fatica.

CARMELINA  E chi se fa li fatti sui, campa cient'anni!

NICOLA     (a CARMELINA) Ma che fatichi a fa'. Maritito è juto a l'estero...

                   hai voglia a soldi.

CARMELINA  E' juto a l'acqua cu lu cisto.

                   Fa com'a quanno ivo a Milano: ivo p'arricchì e fece diebbiti.

NICOLA        Vui femmene siti tutte de 'na manera...

PASQUALE   Tre songo le cose amare: la femmena, lu fuoco e lu mare.

NICOLA        E miez'a lu mare nun ce stanno taverne.

CARMELINA  ( a NICOLA) Parli proprio tu, ca tieni a mugghiereta sempe arraggiata.

                   Nun semmenà spine, si vai scauzo.

NICOLA        Tra socra e nora c'è lu diavulo che lavora; e io nu stavo mai tranquillo.

PASQUALE     (indicando NICOLA e CARMELINA) Li ciucci se tozzeno e li varrili se scasceno.

GIUANNI        Povero NICOLA. Lu ciuccio mio tanto avantato s'è ridotto a carrià levene.

CARMELINA    Io me ne vavo. Addò canteno tanta ualli nun fa mai juorno.

NICOLA        Hai ragione, Carmelì. Chi troppo la tira la stocca.

PASQUALE      Me, iamocenne a faticà, sinnò...

Tutti            Le cannele se cunzumeno e la prucessione nun cammina .