| |
Come volesse sente 'no bell'addoro,
l'addoro de la terra appena smossa,
quanno la zappa
la pigghia e la capoota sott'e 'ncoppa.
Come volesse sente 'no bell'addoro,
l'addoro de lo ggrano spas'a lo sole,
mentre lo smove
vottenno lo rataviello la padrona.
Come volesse sente 'no bell'addoro,
l'addoro de lo ffieno quanno chiove,
che te 'mboca
com'a lo fiato de 'na 'nnammorata.
Come volesse sente 'no bell'addoro,
l'addoro de li sfuogghi de graodinio,
ca la matina
le smove la forcina e po' l'appara.
Come volesse sente 'no bell'addoro,
l'addoro de 'na levena tagghiata,
quanno l'accetta
la spacca e po' la fa cadé pe' 'nterra.
Come volesse sente 'no bell'addoro,
l'addoro de la reghena seccata,
o quann'a giugno
la vai a cogghie 'ncopp'a la montagna.
Come volesse sente 'no bell'addoro,
l'addoro de jneste quann'è maggio,
ca te stordisce,
te fa sentì n'auciello assaocato.
Come volesse sente 'no bell'addoro,
l'addoro de le mmela dint'a li cisti,
e sistemati
'ncopp'a li stipi e sott'a li lietti.
Come volesse sente'no bell'addoro,
l'addoro de 'na fico ancora cèreva,
quanno la cuogghi
e scenne da la ponta lo llatto fizzo.
Come vurria sentì 'no bell'addoro,
l'addoro de lo llatto appena munto,
dint'a lo sicchio
mentre che spriscia ancora da la menna.
Come volesse sente 'no bell'addoro,
l'addoro de 'na pezza de caso frisco,
quanno la tagghi
e po', chiudenno l'uocchi, te la mangi.
Come volesse sente 'no bell'addoro,
l'addoro dolce de 'na sopressata,
tosta e sudata
e rossa com'a 'na vocca pittata.
Come volesse sente 'no bell'addoro,
l'addoro de lo vino quanno volle
dint'a lo tino
co li moschilli che ce vanno attuorno.
Come volesse sente 'no bell'addoro,
l'addoro de lo ppane dint'a lo furno,
mentre lo ccaccia,
bell'accoppato e tunno, la fornara.
Come volesse sente 'no bell'addoro,
ma dint'a 'sta città so' sulo fogne:
pe' l'aria sienti
sulo la puzza de li gabinetti.
|
Per vedere gli odori
clicca qui |
